მოლოდინი გვაქვს, რომ აპრილის შუა რიცხვებში „სინოფარმი“ მიიღებს ჯანმო-ს ავტორიზაციას, - ამის შესახებ ჯანდაცვის მინისტრის მოადგილემ, თამარ გაბუნიამ ჟურნალისტებთან საუბრისას განაცხადა.

როგორც ჯანდაცვის მინისტრის მოადგილე აღნიშნავს, ჯანმო-ს აღიარების შემდეგ, საქართველოში კორონავირუსი საწინააღმდეგო „სინოფარმის“ ვაქცინით აცრა, სავარაუდოდ, აპრილის მეორე ნახევრიდან დაიწყება.

„საქართველომ მიიღო 100 000 დოზა „სინოფარმის“ ვაქცინა, რომელიც გახლავთ ჩინური წარმოების, ამ ვაქცინას დღეის მდგომარეობით ათეულობით ქვეყანა უკვე იყენებს და 40 მილიონზე მეტი ადამიანი არის ვაქცინირებული, კვლევები, რომლებიც ვაქცინის თაობაზეა ჩატარებული, ძალიან კარგ შედეგებს გვიჩვენებს და ჩვენი მოლოდინია, რომ აპრილის შუა რიცხვებისთვის ვაქცინა მიიღებს ჯანმო-ს ავტორიზაციას გადაუდებელი გამოყენებისთვის. ვაქცინაცია აპრილის მეორე ნახევრიდან ვფიქრობთ, უკვე იქნება ხელმისაწვდომი ყველა იმ იმუნიზაციის ცენტრში, რომელიც დღეის მდგომარეობით ჩართულია ქვეყანაში“, - განაცხადა თამარ გაბუნიამ.

ცნობისთვის, საქართველოში დღეს კორონავირუსის საწინააღმდეგო ჩინური წარმოების, „სინოფარმის“ ვაქცინის 100 000 დოზა ჩამოვიდა. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა