თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის რვა ახალი შემთხვევიდან სამი დადასტურებულ შემთხვევასთან კონტაქტია, სამი იმპორტირებულია, ხოლო ორის წყარო უცნობია.  

მისი თქმით, გამოჯანმრთელებულ პაციენტთა მაჩვენებელი 87.9%-ს შეადგენს.

„დღევანდელი მონაცემებით კოვიდცენტრებში 146 კოვიდინფიცირებული პაციენტი აგრძელებს მკურნალობას. ჩვენს კლინიკაში გვყავდა 19 დადასტურებული შემთხვევა, გამოჯანმრთელდა ერთი, დაგვემატა ერთი პაციენტი და ისევ გვყავს 19 დადასტურებული შემთხვევა. ახალი პაციენტი გუშინ გვიან მოთავსდა ჩვენთან. მასთან საშუალო სიმძიმის მდგომარეობა გახლავთ.

დანარჩენი პაციენტების მდგომარეობაც უცვლელია. არავისთან არ შეინიშნება დაავადების პროგრესირება ანუ დამძიმება და ყველა პაციენტის მდგომარეობა ფასდება საშუალო და მასზე მსუბუქად“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს