2020-06-01 10:59:16, 16205 ნახვა

---

თბილისის ინფექციურ საავადმყოფოში კორონავირუსის დიაგნოზით 54 პაციენტი მკურნალობს, მათგან სამის მდგომარეობა მძიმეა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ ცენტრში კორონავირუსის დიაგნოზით 54 პაციენტი მკურნალობს, მათგან სამის მდგომარეობა მძიმეა.

მისი თქმით, პაციენტების 50%-ზე მეტი საშუალო სიმძიმისაა.

„ჩვენს ცენტრში, დღეის მონაცემებით 54 კოვიდ დადასტურებული მკურნალობს. გუშინ მივიღეთ 6 ახალი დადასტურებული პაციენტი. ესენი იყვნენ მარნეულის სოფელ მარეთიდან და დანარჩენი იყო ბოლნისის წინა დღის დადასტურებული შემთხვევებიდან. გვყავს სამი მძიმე პნევმონიის მქონე პაციენტი, რომელთა მდგომარეობაც უკვე გაუმჯობესებულია კლინიკური და ლაბორატორიული მონაცემებით, მაგრამ დღეს ველოდებით რადიოლოგიური კვლევის მონაცემებს. თუ ამ მონაცემებითაც აღინიშნება მნიშვნელოვანი გაუმჯობესება, უკვე შეგვიძლია ვთქვათ, რომ მკვეთრი გაუმჯობესება გვექნება. დანარჩენი პაციენტების მდგომარეობა უცვლელია. ძირითადად 50%-ზე მეტი საშუალო სიმძიმის პაციენტებია. ასევე გვყავს მსუბუქი სიმძიმის პაციენტები.

ახალი ინფიცირებულების მდგომარეობა რუტინული კვლევით მსუბუქი სიმძიმით ფასდება. დღეს ყველასთან ჩატარდება რადიოლოგიური კვლევა“, - განაცხადა მარინა ეზუგბაიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი