ამერიკის შეერთებული შტატების პრეზიდენტი ბარაკ ობამა ოფიციალური ვიზიტით კუბაში იმყოფება. ბოლო 88 წლის განმავლობაში კუბაში აშშ-ის ლიდერის პირველი ვიზიტია. უკანასკნელი ფაქტი, როდესაც აშშ-ის პრეზიდენტი თავისუფლების კუნძულს ესტუმრა 1928 წელს დაფიქსირდა. მაშინ კუბაში კალვინ კულიჯი ჩავიდა.

ორდღიანი ვიზიტის ფარგლებში ობამა მოლაპარაკებებს გამართავს კუბის ლიდერ რაულ კასტროსთან. როგორც მედიისთვის გახდა ცნობილი, მოლაპარაკებების თემა შეეხება თავისუფლების კუნძულის პოლიტიკურ რეფორმებს.

დასავლელ ექსპერტთა ნაწილი მიიჩნევს, რომ ბარაკ ობამას ვიზიტი კუბაში ამერიკულ-კუბურ ურთიერთობაში დიდი შემობრუნების დასაწყისად შეიძლება მივიჩნიოთ.

"ორ ქვეყანას შორის დაიწყო ახალი ერა", - წერს BBC-ის საერთაშორისო მიმომხილველი.

ამ დროისთვის ცნობილია, რომ ბარაკ ობამა ფიდელ კასტროსთან შეხვედრას არ გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.