უკრაინის საგარეო საქმეთა მინისტრი ანდრეი სიბიგა აცხადებს, რომ უკრაინულმა მხარემ უკვე ჩამოაყალიბა აშშ-სთან მინერალების მომავალი შეთანხმების ტექსტის საკუთარი ხედვა.

ამის შესახებ ანდრეი სიბიგამ „უკრინფორმს“ განუცხადა.

როგორც მინისტრმა აღნიშნა, კიევის პრინციპული პოზიციაა, შეთანხმება უკრაინის ევროკავშირში ინტეგრაციის კურსს არ ეწინააღმდეგებოდეს.

მინისტრის თქმით, კიევი ჯერ აყალიბებს მომლაპარაკებელი ჯგუფის შემადგენლობას, რომელიც გაემგზავრება აშშ-ში შეთანხმების ტექსტის საგნობრივი განხილვისთვის.

„ჩვენ უკვე შევიმუშავეთ ჩვენი პოზიცია, ასევე ჩვენი ხედვა მომავალი შეთანხმების ტექსტთან დაკავშირებით“, – განაცხადა ანდრეი სიბიგამ.

მისი განცხადებით, მომავალი შეთანხმება უნდა იყოს ურთიერთმომგებიანი, უნდა პასუხობდეს ორივე მხარის ინტერესებს და არ ეწინააღმდეგებოდეს ევროკავშირში უკრაინის გაწევრიანების კურსს.

„ეს უკრაინული მხარის ერთ-ერთი პრინციპული პოზიციაა“, – თქვა უკრაინის საგარეო საქმეთა მინისტრმა.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი