2020 წლის საპარლამენტო არჩევნებში მონაწილე ოპოზიციურმა პარტიებმა საერთო განცხადებას მოაწერეს ხელი, რომლის მიხედვითაც ისინი უარს აცხადებენ მანდატებზე და არ შედიან პარლამენტში.

აღნიშნული განცხადება „ლეიბორიტული პარტიის" ლიდერმა, შალვა ნათელაშვილმა გააცნო საზოგადოებას.

„2020 წლის 31 ოქტომბრის საპარლამენტო არჩევნები ჩატარდა ამომრჩეველზე ძალადობის და დაშინების, სუს-ის და კრიმინალური სამყაროს კოორდინირებული ზეწოლის, მასშტაბური მოსყიდვის, ადმინისტრაციული რესურსების გამოყენების და ამომრჩევლის ნებაზე ძალადობით გავლენის მოხდენის პირობებში. ამასთან თან დაერთო სააარჩევნო ოქმებით მანიპულაცია და კარუსელი, რამაც მნიშვნელოვნად დაამახინჯა არჩევნების შედეგები. ცესკოს მიერ გამოქვეყნებულმა საბოლოო შედეგებმა, არ ასახა საქართველოს მოქალაქეების ნება. ჩვენთვის ოპოზიციური პარტიებისათვის სრულიად ნათელია, რომ ჩვენმა თანამოქალაქეებმა უარი უთხრეს ივანიშვილის მმართველობას და არ მისცეს მას მესამე ვადით ქვეყნის მართვის მანდატი, შესაბამისად ეს პარლამენტი არ ასახავს ამომრჩევლის ნებას, ამიტომ ჩვენ ოპოზიციური პარტიები, რომლებსაც გაგვიყალბეს არჩევნები, უარს ვამბობთ საპარლამენტო მანდატებზე და გადავდგამთ ყველა პოლიტიკურ და სამართლებრივ ნაბიჯს, რომ არ შევიდეთ ამ ე.წ პარლამენტში, ჩვენ არ მივიჩნევთ ამ პარლამენტს ლეგიტიმურად, რადგან ის არის უკანონო ქმედებების შედეგად არჩეული და არ გამოხატავს ხალხის ნებას. ჩვენ ვაგრძელებთ ბრძოლას ივანიშვილის წინააღმდეგ, ჩვენი ქვეყნის უკეთესი დემოკრატიული მომავლისათვის, დემოკრატიული ოპოზიციის მოთხოვნა არის ამ არჩევნების შედეგების გაუქმება, ხელახალი არჩევნების ჩატარება და ყველა დარღვევის აღმოფხვრა, რამაც გამოიწვია ამ არჩევნების სისტემური გაყალბება“, - წერია დოკუმენტში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის