"ერთ დღეში 20 თეთრით რომ გაუფასურდა  დოლარი, არ მახსოვს გენერვიულათ მაშინ ან ხელფასების,  ან სესხების, ანპენსიების ინდექსაციაზე. ამიტომ გულწრფელები იყავით",-ასე მიმართა საქართველოს ფინანსთა მინისტრმა ნოდარ ხადურმა საპარლამენტო უმცირესობის წევრებს  პარლამენტის  დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე დასმულ კითხვებზე პასუხისას.
ხადურის თქმით, მთავრობა პრობლემებსა და პასუხისმგებლობას არ გაურბის. 
"ნამდვილად კარგად ვიცი რა პრობლემებია ამ ქვეყანაში, კარგად ვიცით, რა პრობლემებით ჩავიბარეთ ეს ქვეყანა,  კარგად ვიცით, რა პრობლემები წარმოიშვა ჩვენს ირგვლივ, ამ ყველაფერს ჩვენ ვაანალიზებთ და ის, რომ ცუდია, რომ  ჩვენ ვართ ოპტიმიზმები, ვერ დაგეთანხმებით. მთავრობა სწორედაც რომ ოპტიმისტი უნდა იყოს და სიტუაციას ოპტიმისტურად უნდა უყურებდეს. პრობლემებზე ვსაუბრობთ, ღიადაც,  სამუშაო რეჟიმშიც და მზად ვართ ამზზე ვისაუბროთ, მაგრამ ამ სტილით საუბარი სწორი არ არის.
თქვენს კითხვებს ლაიტმოტივად გასდევს სიტყვა სეკვესტრი და შეუსრულებელი ბიუჯეტი.2004 წლის შემდეგ საქართველოს არცერთი ბიუჯეტის ხარჯვითი ნაწილი არ შესრულებულა. ერთადეთი ბიუჯეტი, რომელიც მიუახლოვდა 100%-ს, იყო 2014 წლის ბიუჯეტი, როცა შესწორების გარეშე 99.2%-ით დაფინანსდა ყველა ხარჯი.
დეკემბერში რომ აკეთებდით ხოლმე ბიუჯეტის შესწორებას რომ ლამაზი ციფრები დაგედოთ. არც ის მახსოვს თქვენგან ერთ დღეში 20 თეთრით რომ გაუფასურდა  დოლარი, გენერვიულათ მაშინ ან ხელფასების,  ან სესხების, ან პენსიების ინდექსაციაზე. ამიტომ გულწრფელები იყავით  და კარგად გაიხსენეთ ის პერიოდი და ის, რა გარემოში გვიწევს მუშაობა",-მიმართა ფინანსთა მინისტრმა საპარლამენტო უმცირესობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ