ზურაბ აბაშიძე ახსნა-განმარტებებს აკეთებს

2015-02-19 16:26:58, 355 ნახვა

პოლიტიკა

პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე, ნატო-სთან დაკავშირებით გაკეთებული განცხადების თაობაზე, ახსნა-განმარტებებს აკეთებს.
როგორც აბაშიძემ აღნიშნა, საუბარია საქართველოში არა ნატო-ს საბრძოლო ინფრასტრუქტურის განთავსებაზე, არამედ ნატო-საქართველოს ერთობლივი საწვრთნელი ცენტრის შექმნაზე.ზურაბ აბაშიძეს არ ესმის, მისმა ნათქვამმა აჟიოტაჟი რატომ გამოიწვია.
მისივე მტკიცებით, საქართველოს ევროატლანტიკური ინტეგრაცია, მთავარი სტრატეგიული მიმართულებაა.
"ხელში მიჭირავს ახლა ჩემი ნათქვამი და გავიმეორებ, რომ საუბარი არ არის საქართველოში ნატო-ს ინფრასტრუქტურის, სამხედრო საბრძოლო ინფრასტრუქტურის განთავსებაზე.საუბარია ნატო-საქართველოს ერთობლივი საწვრთნელი ცენტრის შექმნაზე.მემგონი სხვაობა აბსოლუტურად ნათელია. რატომ გამოიწვია ამან დისკუსია ჩემთვის აბსოლუტურად გაუგებარია.მე ასევე ვთქვი, რომ ჩვენი სუვერენული უფლებაა, ავირჩიოთ იმ ორგანიზაციასთან თანამშრომლობა, რომელთანაც ჩვენ საჭიროდ ვთვლით.ჩვენი ევროატლანტიკური ინტეგრაცია რა თქამა უნდა ჩვენი მთავარი სტრატეგიული მიმართულებაა და ეს ჩემი კომენტარი გარკვეულწილად პასუხი იყო ლავროვის გუშინდელ განცხადებაზე.ნატო-ს სამხედრო ინფრასტრუქტურასა და და საქართველო -ნატოს ერთობლივ საწვრთნელ ცენტრს შორის დიდი სხვაობა",-განაცხადა ზურაბ აბაშიძემ.
რაც შეეხება კრიტიკას მის კიდევ ერთ განცხადებაზე, რომლის თანახმადაც, ბრიუსელში, მოსკოვში, თბილისში კარგად იციან, რომ დღეს და ხვალ საქართველოს ნატო-ში გაწევრიანება დღის წესრიგში არ დგას, აბაშიძე ასე პასუხობს:
"ჩემს განცხადებას ნუ მივაბამთ ისეთ რაღაცას, რაც არანაირად არ იყო ნათქვამი. ვთქვი, რომ დღევანდელი და ხვალინდელი დღის პექრსპექტივა არ არის ნატო-ში გაწევრიანება.გადაწყვეტილება სტრატგიული მიღებულია ნატო-ს სამიტზე, რომ საქართველო ნატო-ში გაწევრიანდება, მაგრამ ის რომ დღეს მოხდება და ხვალ მოხდება, ეს ასე არაა. ეს რეალობაა",-განაცხადა ზურაბ აბაშიძემ "საზოგადოებრივ მაუწყებელთან" საუბრისას.