საქართველოს თავდაცვის მინისტრი მინდია ჯანელიძე ნატოს გენერალური მდივნის მოადგილეს ალექსანდრ ვერშბოუს შეხვდა.

შეხვედრა თავდაცვის სამინისტროში გაიმართა.

როგორც შეხვედრის დასრულების შემდეგ ალექსანდრ ვერშბოუმ განაცხადა, რამდენიმე თვეში, საქართველოში  ნატო-ს მრჩეველთა ჯგუფი ჩამოვა და ნატო საქართველოსთვის "გაძლიერებული თანამშრომლობის" პაკეტის იმპლემენტაციის პროცესში მიიღებს მონაწილეობას.

„შეხვედრა იყო ძალიან მნიშვნელოვანი, რომლის დროსაც საშუალება მქონდა  განმეხილა,  ნატო საქართველოსთვის "გაძლიერებული თანამშრომლობის" პაკეტის დეტალები, მისი პროგრესი და სამომავლო განვითარება.  ასევე მომდევნო რამდენიმე თვეში ველოდებით ნატო-ს მრჩეველთა ჯგუფის ჩამოსვლას, რომელიც საქართველოს ამ პაკეტის იმპლემენტაციის პროცესში დაეხმარება. გარდა ამისა ნატო-ს სასწავლო ცენტრის დაფუძნებასთან მიმართებაში გააქტიურდება მუშაობა. ამ საკითხზე  იქნება აქტიური კონსულტაციები და კომუნიკაცია.  ეს სკოლა მიზნად, არა მარტო ქართველი სამხედროების გაწვრთნას ისახავს, არამედ სწავლების კურსებში სამომავლოდ  ნატო-ს წევრი ქვეყნების ჩართვაც იგეგმება “,- განაცხადა ალექსანდრ ვერშბოუმ.

როგორც მინდია ჯანელიძემ შეხვედრის შემდეგ განაცხადა, შემდგომი პროცესების განსავითარელბად, ქართული მხარე ნატო-ს შტაბ ბინასთან ყოველდღიურ რეჟიმში განაგრძობს მუშაობას.

„ჩვენი აპარატი  ნატოს შტაბ-ბინასთან ყოველდღიურ რეჟიმში მუშაობს იმისთვის, რომ შედგეს სამოქმედო გეგმა და მისი კონკრეტული ინიციატივების განხორციელების კუთხით მუშაობა დამთავრდეს, ასევე განისაზღვროს თითოეული ინიციატივის განხორციელების დრო და პირობები. ვფიქრობ, რომ ამ საკითხთან დაკავშირებით  უფრო ნათელი წარმოდგენა თებერვლის მინისტერიალის შემდეგ გვექნება.  ასევე ნატოსთან ურთიერთობები დინამიურად ვითარდება, იმპლემენტაციის პროცესი, რომელიც  უელსის სამიტზე გადმოგვეცა, დაწყებულია და შესაბამისად აქტიურ რეჟიმში მუშაობა უნდა გავაგრძელოთ", - განაცხადა ვერშბოუმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის