„დოლარის მიმართ პრაქტიკულად ყველა ვალუტა გაუფასურებულია“, –ამის შესახებ ფინანსთა მინისტრმა ნოდარ ხადურმა ჟურნალისტებს მთავრობის ადმინისტრაციაში ლარის კურსთან დაკავშირებით შეხვედრის დასრულების  შემდეგ განუცხადა.

მისივე თქმით, საგარეო ფაქტორები, მათ შორის ექსპორტის თვალსაზრისით, შეცვლილია.

შესაბამისად, ხადურის ინფორმაციით,  ხელისუფლება სხვადასხვა ღონისძიებების გატარებას გეგმავს.
„საქართველოში, რეგიონში და ასევე სხვა ქვეყნებში, დოლარის მიმართ პრაქტიკულად ყველა ვალუტა გაუფასურებულია, თუმცა უნდა აღინიშნოს, რომ ამ თვალსაზრისით ლარი  გარკვეულწილად პოზიციებს ინარჩუნებს. მაგრამ  ჩვენ ვაცნობიერებთ იმას, რომ საგარეო ფაქტორები არის შეცვლილი, მათ შორის ექსპორტის თვალსაზრისით. ამიტომ ჩვენ,  დღეს,  მივიღეთ გადაწყვეტილება, რომ ძალიან მოკლე პერიოდში აქტიურად დავიწყოთ ღონისძიებები, რომელიც ექსპორტს წაახალისებს, ტურიზმს ხელს შეუწყობს, რაც  პირდაპირ უცხოურ ინვესტიციებს წაახალისებს. ეს ღონისძიებები საშუალებას მოგვცემს, რომ  ლარის გრძელვადიანი სტაბილურობა შევინარჩუნოთ“, – აღნიშნა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ

15 აპრილიდან მდინარე დიღმურას ხიდზე საავტომობილო მოძრაობა 5 თვით სრულად შეიზღუდება

პაშინიანის ავტოკოლონის თანმხლები ავტობუსი ავარიაში მოყვა

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ