პარლამენტის თავმჯდომარის ირაკლი კობახიძის განცხადებით, ე.წ მოსმენების კანონთან დაკავშირებით, პრეზიდენის ვეტოს შემთხვევაში, ცვლილებების პაკეტს კენჭი კიდევ ერთხელ ეყრება.

როგორც კობახიძემ აღნიშნა, აღნიშნულ პაკეტთან დაკავშირებით მმართველ გუნდში პოზიციები ჩამოყალიბებულია. 

"ჩვენ გვაქვს პოზიციები ჩამოყალიბებული ამ პაკეტთან დაკავშირებით და სწორედ ამის საფუძველზე მივიღეთ გადაწყვეტილება, როდესაც სამი მოსმენით მივიღეთ ფარული საგამოძიებო მოქმედებების შესახებ კანონპროექტების პაკეტი. აქედან გამომდინარე, ჩვენ რა თქმა უნდა, ამ პოზიციაზე ვრჩებით და ამის საფუძველზე კენჭი ეყრება კიდევ ერთხელ ვეტოს შემთხვევაში, მომდევნო კვირაში კანონპროექტების პაკეტს საქართველოს პარლამენტში", - აღნიშნა ირაკლი კობახიძემ. 

როგორც ცნობილია ე.წ. მოსმენების კანონთან დაკავშირებით პრეზიდენტი დღეს "პატრიოტთა ალიანსს" ხვდება. გუშინ კი ამავე საკითხზე გიორგი მარგველაშვილმა კონსულტაციები "ევროპულ საქართველოსთან" და "ნაციონალურ მოძრაობასთან" გამართა.  

ჯერ-ჯერობით უცნობია რა გადაწყვეტილებას მიიღებს პრეზიდენტი, პარლამეტის მიერ დამტკიცებულ კანონპროექტთან დაკავშირებით. მას დოკუმენტზე ხელმოსაწერად ან ვეტოს დასადებად, ვადა 21 მარტამდე აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება