„ქალბატონ სოფო კილაძეს ავიწყდება, რომ არის ხელისუფლების წარმომადგენელი. მან პირდაპირი და გადატანითი მნიშვნელობითაც, ნაჯახი დაკიდა მოსამართლეების თავზე“,-ამის შესახებ „ევროპული საქართველოს“  წარმომადგენლმა ირაკლი აბესაძემ პარლამენტის პლენარულ სხდომაზე განაცხადა.

აბესაძემ კილაძეს „თითქოს დამოუკიდებელი სასამართლოს დამცველი“ უწოდა.

„მინდა გამოვეხმაურო იმ რამდენიმე ძალიან  ირონიულ განცხადებას, რომელიც გაკეთდა  „ქართული ოცნების“ დეპუტატების მხრიდან. პირველ რიგში მოვისმიმენთ თითქოს დამოუკიდებელი სასამართლოს დამცველი ქალბატონი სოფო კილაძის განცხადება. მას ავიწყდება, რომ ის  არის ხელისუფლების წარმომადგენელი და რომელმაც პირდაპირი და გადატანითი მნიშვნელობითაც ნაჯახი დაკიდა მოსამართლეების თავზე.  ასევე მან განაცხადა, რომ თითქოს დროა გვერდზე გადავდოთ ყველა საკითხი და ვიზრუნოთ გაჭირვებული ადამიანების ცხოვრების გაუმჯობესებაზე, რაც სხვათაშორის ხელისუფლების პირდაპირი მოვალეობაა და როგორც ჩანს ამის შეხსენება გჭირდებათ.  სამწუხაროდ, თქვენ ხართ ადამიანები,  რომლებიც სწორედაც რომ ემალებით ამ გაჭირვებას. ტელევიზიის ეკრანიდან  მაინც დაინახეთ ადამიანების გაჭირვება, ტელევიზიის ეკრანიდან მაინც გაიგეთ  თუ როგორი უმოქმედო და უპასუხისმგებლო ჩინოვნიკები გყავთ მრავალმილიონიანი პრემია დანამატებით წახალისებული და კორუფციაში ჩაფლულები“,-განაცხადა აბესაძემ.

ცნობისთვის, ადამიანის უფლებათა დაცვის კომიტეტის თავმჯდომარე სოფო კილაძემ პლანერულ სხდომაზე სიტყვით გამოსვლისას განაცხადა, რომ მისი ვარაუდით, სასამართლოზე  სააკაშვილისა და მისი გარემოცვის მხრიდან არნახული ზეწოლა ხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება