კობახიძე იმედოვნებს, რომ კომისიასთან დაკავშირებით პრეზიდენტი თავის გადაწყვეტილებას გადახედავს

2016-12-24 15:34:47, 1631 ნახვა

პოლიტიკა კომენტარი

საპარლამენტო უმრავლესობის წევრი მანანა კობახიძე იმედს გამოთქვამს, რომ საკონსტიტუციო კომისიასთან დაკავშირებით, პრეზიდენტი თავის გადაწყვეტილებას გადახედავს.

როგორც დეპუტატმა ჟურნალისტებს განუცხადა, კონსტიტუციაზე მუშაობის პროცესში პრეზიდენტის ადმინისტრაციის ჩართულობა ძალიან მნიშვნელოვანია.

„ძალიან კარგი იქნებოდა, თუ პრეზიდენტის ადმინისტრაცია კომისიის მუშაობაში ჩართული იქნებოდა და თავის პოზიციას სწორედ ამის მეშვეობით წარმოადგენდა. ჩვენ ყველანი საპარლამენტო უმრავლესობიდან, ნამდვილად ვიტოვებთ იმედს, რომ პრეზიდენტი საკონსტიტუციო კომისიასთან დაკავშირებით თავის გადაწყვეტილებას გადახედავს, რადგან მისი ადმინისტრაციის ჩართულობა საკმაოდ მნიშვნელოვანია. ერთხელ და სამუდამოდ, ის ხარვეზები, რომელიც ქვეყნის კონსტიტუციაში არსებობს, უნდა გამოსწორდეს“, - განაცხადა კობახიძემ.

რაც შეეხება საკონსტიტუციო კომისიის ლეგიტიმურობას, კობახიძემ განაცხადა, რომ ჯგუფის ლეგიტიმურობასთან დაკავშირებით კითხვის ნიშნები არ არსებობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან