ქუცნაშვილი გვენეტაძეს: თქვენი ნათქვამი, რომ საქართველოში საშუალო ინფლაცია 3%-იანია, დაუჯერებლად ჟღერს

2016-12-16 14:20:53, 1776 ნახვა

პოლიტიკა კომენტარი

საპარლამენტო უმრავლესობის წევრის ზაქარია ქუცნაშვილის თქმით, მაღალი თანამდებობის პირების, მათ შორის ეროვნული ბანკის პრეზიდენტის განცხადება, რომ საქართველოში საშუალო ინფლაცია 3%-იანია, დაუჯერებლად ჟღერს:

„თქვენ ბრძანეთ, რომ საშუალო ინფლაცია საქართველოში 3%-იანია და ხშირ შემთხვევაში, მაღალი თანამდებობის პირების მხრიდან, მათ შორის თქვენი ხმრიდან ეს ნათქვამი დაუჯერებლად ჟღერს და რეალობას აცდენილი ჩანს იქიდან გამომდინარე, რომ ცალკეულ პროდუქტებზე სამომხმარებლო ფასები ბევრად მეტია, ვიდრე საშუალოდ 3%-იანი ინფლაციური მაჩვენებელი“,-აღნიშნა ზაქარია ქუცნაშვილმა პარლამენტის პლენარულ სხდომაზე.

მან ეროვნული ბანკის პრეზიდენტ კობა გვენეტაძე სთხოვა, საზოგადოებას განუმარტოს, როგორ დგინდება ინფლაციური მაჩვენებელი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან