პაპიძის ჯანმრთელობის მდგომარეობის შესახებ ცნობა და ფოტოსურათები დასაშვებ მტკიცებულებათა ნუსხაში რჩება

2016-03-31 14:29:53, 803 ნახვა

სამართალი

მოსამართლე ბადრი შონიამ პროკურატურის შუამდგომლობა მეუღლისა და შვილის მკვლელობაში ბრალდებული მაგდა პაპიძის ადვოკატების მიერ წარმოდგენილი მტკიცებულებების დაუშვებლობასთან დაკავშირებით, არ დააკმაყიფილა.

კერძოდ, პროკურატურის წარმომადგენლის განცხადებით, დაუშვებლად უნდა ყოფილიყო ცნობილი ბრალდებულ მაგდა პაპიძის ჯანმრთელობის მდგომარეობის ცნობა, რომელიც პაპიძის განცხადების საფუძველზე (ფიზიკურ ძალადობაზე) პენიტენციურ დაწესებულებაში ყოფნის პერიოდშია გაკეთებული, და ფოტოსურათები.

საუბარია დაცვის მხარის მიერ წარმოდგენილ შემთხვევის ადგილის პირველადი დათვალიერების ფოტოებზე, რომელზეც სისხლის ლაქა არაა აღბეჭდილი.

მოსამართლემ პროკურატურის მოთხოვნა არ დააკმაყოფილა და ზემოთ ხსენებული მტკიცებულებები დასაშვებად ცნო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან