პროკურატურის 6 ნივთიერმტკიცებულების დაუშვებლად ცნობაზე, პაპიძის ადვოკატების მოთხოვნა არ დაკმაყოფილდა

2016-03-31 14:00:23, 650 ნახვა

სამართალი

თბილისის საქალაქო სასამართლოს მოსამართლე ბადრი შონიამ მეუღლისა და შვილის მკვლელობაში ბრალდებული მაგდა პაპიძის ადვოკატების შუამდგომლობა ბრალდების მხარის რიგი ნივთიერმტკიცებულების დაუშვებლად ცნობასთან დაკავშირებით, არ დააკმაყოფილა.

კერძოდ, დაცვის მხარე დასაშვებ მტკიცებულებათა ნუსხიდან შემდეგი ნივთიერმტკიცებულებების ამოღებას ითხოვდა: უროს ექსპერტიზის შედეგი- ბიოლოგიური და გენეტიკური ქსპერტიზის შედეგი, რვეულის დათვალიერების ოქმი, ჩანაწერზე გაკეთებული ხელნაწერის ექსპერტიზის დასკვნა, ქაფიაშვილის ბინის გამეორებით დათვალიერების შედეგები, სახლიდან ამოღებული ნივთიერი მტკიცებულებები- ხის ნაჭერი და სხვა ნაჭრები, რომლებიც ექსპერტიზისთვის წაიღეს.

ადვოკატები მიუჩნევდნენ, რომ ბრალდების მხარის მტკიცებულებები კანონდარღვევითაა მოპოვებული და მათი შუამდგომლობა უნდა დაკმაყოფილებულიყო.

პროკურატურის წარმომადგენლების განცხადებით კი, ყველა მტკიცებულება კანონის სრული დაცვით მოიპოვეს და ნუსხაში ჩამოთვლილი მტკიცებულებები დაშვებული უნდა ყოფილიყო.

შეგახსენებთ, პაპიძის საქმეზე საქართველოს მთავარმა პროკურატურამ მიმდინარე წლის 19 თებერვალს გამოძიების შუალედური ანგარიში გამოაქვეყნა, სადაც ნათქვამია, რომ ბრალდებულმა პაპიძემ საკუთარი მეუღლე თავში უროს ჩარტყმით მოკლა, ხოლო შვილი გაგუდა და ამავე დროს კვალის დაფარვა სცადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან