გიორგი კვირიკაშვილი: მადლობას ვუხდი პოლიციელებს იმისათვის, რომ სხვა ადამიანის სიმშვიდეს ემსახურებიან

2015-05-31 14:45:23, 351 ნახვა

სამართალი

საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა სამართალდამცავებს პროფესიული დღე მიულოცა. როგორც კვირიკაშვილმა ქუთაისში, პოლიციელის დღისადმი მიძღვნილი საზეიმო ღონისძიების შემდეგ ჟურნალისტებს განუცხადა, პოლიციელებს მადლობას უხდის იმისათვის, რომ სხვა ადამიანის სიმშვიდეს ემსახურებიან.

"ძალიან საამაყოა, რომ დღევანდელ დღეს ესწრებოდნენ სამსახურებრივი მოვალეობის შესრულებისას დაღუპული პოლიციელების ოჯახის წევრები, შვილები. მინდა ყველას მივულოცო, ვუსურვო მხნეობა, გადავუხადო მადლობა იმისათვის, რომ ემსახურებიან სხვა ადამიანის სიმშვიდეს",-განაცხადა გიორგი კვირიკაშვილმა.

პოლიციელის დღისადმი მიძღვნილ საზეიმო ცერემონიას ქუთაისში, საქართველოს პრეზიდენტი, მთავრობისა და პარლამენტის წევრები, ასევე დიპლომატიური კორპუსის წარმომადგენლები დაესწრნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან