საქართველოს პრეზიდენტმა გიორგი მარგველაშვილმა უკრაინის საელჩოში დონეცკის ქალაქ ვოლნოვახში მომხდარი ტერაქტის დროს დაღუპულთა გამო სამძიმრის წიგნში ჩანაწერი დატოვა.

პრეზიდენტის პრესსამსახურის ინფორმაციით, გიორგი მარგველაშვილმა თანადგომა გამოუცხადა უკრაინის მთავრობას, დაღუპულთა ოჯახის წევრებს და მთელ უკრაინელ ხალხს. სახელმწიფოს მეთაურმა პირადად მიუსამძიმრა უკრაინის საგანგებო და სრულუფლებიან ელჩს საქართველოში ვასილ ციბენკოს.

ამასთან, ქვეყნის პირველმა პირმა დღეს უკრაინელ კოლეგას სამძიმრის წერილი გაუგზავნა.

შეგახსენებთ, 13 იანვარს  დონეცკის ოლქში სამგზავრო ავტობუსს ჭურვი ესროლეს. ტერაქტს 13 ადამიანი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის საელჩო: ქართველ ხალხთან ერთად, პატივს მივაგებთ 9 აპრილს დაღუპულებს

ბექა დავითულიანი ქალ აქტივისტს ფიზიკურად გაუსწორდა

ირანის სახელმწიფო მედია: ირანმა ჰორმუზის სრუტე დაკეტა

ლიეტუვის საგარეო: 1989 წლის ტრაგიკულ მოვლენებს ვიხსენებთ, 1991 წლის 9 აპრილს დამოუკიდებლობის აღდგენას აღვნიშნავთ