„როდესაც საუბარია ქვეყნის სწრაფ ეკონომიკურ ზრდაზე, ჩვენ გვჭირდება მკვეთრი ზრდის ეფექტი, რაც ეკონომიკური ზრდის მაღალი მაჩვენებლის მიღწევას ნიშნავს და ორპროცენტიანი ზრდა შეუძლებელია წარმატებულად ჩაითვალოს“, - ამის შესახებ პრეზიდენტის მრჩეველმა ეკონომიკურ საკითხებში გიორგი აბაშიშვილმა “ექსპრესნიუსთან“ ქვეყნის მაკროეკონომიკური მაჩვენებლების საკითხის კომენტირებისას განაცხადა.
აბაშიშვილის თქმით, ქვეყანაში ეკონომიკური ზრდის შენელების ფონზე უმნიშვნელოვანესია, რომ საერთაშორისო საფინანსო ინსტიტუტების მიერ შემცირებული პროგნოზი როგორც მინიმუმ მიღწეულ იქნას. მისი განცხადებით, მთავრობამ ამ პროცესს ხელი სხვადასხვა ნაბიჯებით უნდა შეუწყოს.
„აუცილებელია ორიენტირება ექსპორტზე, პირდაპირი უცხოური ინვესტიციების მოზიდვაზე, საექსპორტო ბაზრების დივერსიფიკაციასა და ეკონომიკური პროგნოზირების სისტემების კიდევ უფრო დახვეწაზე. რათა მსგავსი რყევები ავიცილოთ და ეკონომიკური ზრდა სწრფად მოხდეს“, - აღნიშნა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა