ხიდაშელი: ნინო გვენეტაძე საუკეთესო მაგალითია იმ არჩევანის, რასაც დღევანდელი ხელისუფლება აკეთებს

2015-03-31 17:29:09, 443 ნახვა

პოლიტიკა

ფრაქცია "რესპუბლიკელების" თავმჯდომარის მოადგილე თინა ხიდაშელი პრეზიდენტ გიორგი მარგველაშვილს უზენაესი სასამართლოს თავმჯდომარედ ნინო გვენეტაძის კანდიდატურის არჩევისთვის მადლობას უხდის.
ხიდაშელი მიიჩნევს, რომ ნინო გვენეტაძე საუკეთესო მაგალითია იმ არჩევანის, რასაც დღევანდელი ხელისუფლება აკეთებს.
"ვფიქრობ, ძალიან მნიშვნელოვანი და სიმბოლურია, რომ ნინო გვენეტაძე არის უზენაესი სასამართლოს თავმჯდომარე და საუკეთესო მაგალითია იმ არჩევანის, რომელსაც დღევანდელი ხელისუფლება აკეთებს. არჩევანის კვალიფიკაციის სასარგებლოდ, წარმატებული ადამიანების სასარგებლოდ, ადამიანების, რომლებიც მზად არიან, იბრძოლონ ბოლომდე მაშინაც, როდესაც პრინციპში ვითარება სასოწარკვეთილია და შესაძლოა, არც კი ჩანს რაიმე იმედი.მაგრამ საკუთარ სიმართლეში დარწმუნებულები მაინც იბრძვიან. ეს იმედი ყოველთვის იმარჯვებს და ასევე არჩევანი ძლიერი ქალის. ამიტომ დიდი მადლობა მინდა ვუთხრა ნინოს ამ ბრძოლისთვის და პრეზიდენტს ამ არჩევანისთვის",-განაცხადა თინა ხიდაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან