აჭარის უმაღლესი საბჭოს თავმჯდომარე ავთანდილ ბერიძე ავტონომიური რესპუბლიკის კონსტიტუციაში ცვლილებების შეტანას ითხოვს.

როგორც ბერიძემ პარლამენტში, საკონსტიტუციო კომისიის სხდომის დაწყებამდე ჟურნალისტებს განუცხადა, ის აღნიშნულ საკითხს კომისიის სხდომაზე დააყენებს.

"საქმე საქართველოს კონსტიტუციასთან აჭარის კონსტიტუციის მიმართებას ეხება. არის პრობლემები, რომლებიც გადასაწყვეტია, რადგან გარკვეულ პუნქტებში აჭარის კონსტიტუცია წინააღმდეგობაშია საქართველოს კონსტიტუციასთან. ეს მოსაგვარებელია და საკონსტიტუციო კომისია სწორედ ამისთვის არის შექმნილი“, - განაცხადა ბერიძე.

მისივე განმარტებით, წინააღმდეგობები პრეზიდენტსა და მთავრობასთან დაკავშირებულ საკითხებს უკავშირდება.

"საქართველოს კონსტიტუცვიაში შევიდა ცვლილებები და ქვეყანაში აღნიშნულ ინსტიტუტებთან მიმართებაში ერთი წლის წინ მიდგომები შეიცვალა, აჭარის კონსტიტუციაში კი შესაბამისი ცვლილებები არ განხორციელებულა და დღესაც დარჩენილია ძველი მიდგომები, ურთიერთობები და დათქმები. ეს სასწრაფოდ, უახლოეს მომავალშია შესაცვლელი“, - განაცხადა ავთანდილ ბერიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოთისა და ხობის მიტროპოლიტის სააღდგომო გზავნილი

პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა