დევნილთა და განსახლების სამინისტრომ „ევროპის სასწავლო უნივერსიტეტთან“ მემორანდუმი გააფორმა

2015-03-13 12:06:21, 397 ნახვა

საზოგადოება

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსა და „ევროპის სასწავლო უნივერსიტეტს“ შორის ურთიერთთანამშრომლობის მემორანდუმი გაფორმდა.

ამის სესახებ „ექსპრესნიუსს“ ლტოლვილთა და განსახლების სამინისტროდან აცნობეს.

უწყების ცნობით, სამინისტროს მხრიდან მემორანდუმს ხელი მინისტრის პირველმა მოადგილემ გრიგოლ გიორგაძემ მოაწერა, ხოლო უმაღლესი სასწავლებლის მხრიდან კი პრორექტორმა ვახტანგ ქავთარაძემ.

„მემორანდუმის ფარგლებში, დევნილ სტუდენტებს შესაძლებლობა ექნებათ „ევროპის სასწავლო უნივერსიტეტში“ 20%-იანი შეღავათით ისარგებლონ.

თავის მხრივ სამინისტრო,მონაწილეობას მიიღებს უნივერსიტეტის მიერ განხორციელებულ ღონისძიებებში, რომლებიც დაკავშირებული იქნება იძულებით გადაადგილებულ პირებთან. სამინისტრო დევნილი სტუდენტების განათლების ხელშეწყობის მიზნით სხვადასხვა უმაღლეს სასწავლებლებთან მჭიდროდ თანამშრომლობს“,-ნათქვამია დევნილთა სამინისტროს განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან