საქართველოს თავდაცვის მინისტრი მინდია ჯანელიძე გორში სამხედრო ჰოსპიტალს ეწვია.

თავდაცვის სამინისტროს ინფორმაციით, მინისტრმა დასრულებული სარემონტო სამუშაოები დაათვალიერა და სამედიცინო პერსონალს გაესაუბრა.

უწყების ცნობით, სამხედრო ჰოსპიტალში პაციენტთა ახალი მისაღები ამოქმედდა, რომელიც თანამედროვე აპარატურით და ელექტრონული რიგის მართვის სისტემებითაა აღჭურვილი. მინდია ჯანელიძემ სასწრაფო სამედიცინო დახმარებისა და კარდიო-ქირურგიული განყოფილებები დაათვალიერა და სამხედრო ჰოსპიტლის ახალ სამედიცინო აღჭურვილობას გაეცნო.

თავდაცვის მინისტრთან ერთად, ახლადგარემონტებულ სამხედრო სამედიცინო დაწესებულებაში გენერალური შტაბის უფროსი, გენერალ-მაიორი ვახტანგ კაპანაძე, მისი მოადგილე, პოლკოვნიკი რომან ჯოხაძე და თავდაცვის მინისტრის პირველი მოადგილე გოჩა რატიანი იმყოფებოდნენ.

დღესვე, თავდაცვის მინისტრმა მინდია ჯანელიძემ ჰოსპიტალში მყოფი სამხედრო მოსამსახურეები მოინახულა და მათ მალე გამოჯანმრთელება უსურვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს