თბილისის საქალაქო სასამართლოში, ჯგუფური ძალადობის ორგანიზებისა და ხელმძღვანელობის ბრალდებით დაკავებულმა ვეფხია კასრაძემ მოსამართლე ირაკლი ხუსკივაძეს ემოციური სიტყვით მიმართა. კასრაძემ აღნიშნა, რომ მისთვის თავისუფლების აღკვეთა, პირიქით, კიდევ უფრო დიდი თავისუფლების განცდა გახდა.

„თქვენი სასჯელის მოსჯით, მე თავისუფლება კი არ წამართვით, პირიქით, ასეთი თავისუფალი არასდროს ვყოფილვარ. მინდა, ყველამ იცოდეს, რომ თავისუფლება მოვიპოვე. თქვენ, ბატონო მოსამართლე, მორალური და სამართლებრივი უფლება არ გაქვთ, ეს საქმე განიხილოთ,“ – განაცხადა კასრაძემ.

ბრალდებულმა ხუსკივაძეს მოუწოდა, მოინანიოს ის, რაც „ბოროტებად“ მიაჩნია:

„ამ ახალგაზრდებში საქართველოს ვხედავ, თქვენ კი არარსებულ დანაშაულზე სასჯელს უსჯით და მათ ცხოვრებას ანგრევთ. ეს არანაირ სამართალში არ ჯდება.“

ცნობისთვის, ვეფხია კასრაძეს, ზვიად ცეცხლაძესა და ვასილ კაძელაშვილს პროკურატურა ჯგუფური ძალადობის ორგანიზებასა და ხელმძღვანელობას ედავება, რაც 6-დან 9 წლამდე პატიმრობას ითვალისწინებს. დანარჩენი ხუთი ბრალდებული – გიორგი გორგაძე, ირაკლი მიმინოშვილი, ინსაფ ალიევი, თორნიკე გოშაძე და ნიკოლოზ ჯავახიშვილი – ჯგუფურ ძალადობაში მონაწილეობაში არიან ეჭვმიტანილები და მათ 4-დან 6 წლამდე პატიმრობა ემუქრებათ.

სასამართლო პროცესს ბრალდებულთა ოჯახის წევრები და მხარდამჭერები ესწრებიან. დაცვის მხარე მოსამართლის აცილებას ითხოვს, ხოლო კასრაძის განცხადებით, „ბრალდება ფაქტებზე არ არის დამყარებული და მტკიცებულებები არ განხილულა.“

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო