სოხუმში  ევროკავშირის ოფისის შესაძლო გახსნასთან დაკავაშირებით, ევროკავშირის ელჩი საქართველოში იანოშ ჰერმანი კომენტარს არ აკეთებს. როგორც ჰერმანმა  ჟურნალისტებს განუცხადა, ის ჯერ ევროკავშირის სპეციალურ წარმომადგენელს უნდა შეხვდეს, რათა გადაამოწმოს, ამ საკითხთან დაკავშირებით რა და როგორ ითქვა.

"ჯერ უნდა შევხდე ევროკავშირის სპეციალურ წარმომადგენელს, რათა ზუსტად გადავამოწმო,  რა და როგორ ითქვა. მანამდე კომენტარს ვერ გავაკეთებ",-განაცხადა იანოშ ჰერმანმა.

ინფორმაციისთვის, სოხუმში შესაძლოა ევროკავშირის ოფისი გაიხსნას. როგორც „აპსნიპრესი“ იუწყება, ოფისის შესაძლო გახსნის შესახებ სამხრეთ კავკასიასა და საქართველოს კრიზისის საკითხებში ევროკავშირის წარმომადგენელმა ჰერბერტ ზალბერმა აფხაზეთის დე-ფაქტო პრეზიდენტ რაულ ხაჯიმბასთან შეხვედრისას განაცხადა.

აფხაზური მედიის ინფორმაციით, შეხვედრაზე მხარეებმა,  ჟენევის მოლაპარაკებებში აფხაზეთის მონაწილეობის შესაძლებლობადა და რიგი სხვა საკითხები განიხილეს. როგოროც „აპსნიპრესი“ წერს, ევროკავშირის წარმომადგენელმა ჰერბერტ ზალბერმა განაცხადა, რომ  გალის რაიონის გარდა, გაგრისა და ბიჭვინთის მონახულების საშუალება მიეცა.

მან ასევე, ის სასოფლო-სამეურნეო სამუშაოები მოინახულა,  რომელიც აფხაზეთში  ევროკავშირის დაფინანსებით ხორციელდება. გარდა ამისა, გამოცემის ცნობით, ჰერბერტ ზალბერმა აღნიშნა, რომ ევროკავშირი  სოხუმში ოფისის გახსნის შესაძლებლობით არის დაინტერესებული, რათა მუდმივი კავშირი ჰქონდეთ მათ კოლეგებთან თბილისში. აფხაზეთის დე-ფაქტო პრეზიდენტი რაულ ხაჯიმბა იმედოვნებს, რომ აფხაზეთი არა  საქართველოს ჭრილში, არამედ მოლპარაკებების დამოუკიდებელ მხარედ განიხილება.

„ვიმედოვნებ, რომ აფხაზეთისა და ევროკავშირის ურთიერთობა სასრგებლო იქნება და აფხაზეთს, არა საქართველოს ჭრილში, არამედ მოლპარაკებების დამოუკიდებელ მხარედ განიხილავთ“,-განაცხადა რაულ ხაჯიმბამ. ჰერბერტ ზალბერმა ხაჯიმბას საპასუხოდ აღნიშნა, რომ ევროკავშირი ამჟამად აფხაზეთს ვერ აღიარებს,  თუმცა მზად არის გადადგას  გარკვეული ნაბიჯები, რომელიც ყველასთვის სასარგებლო იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის