"ძირს რუსლი რეჟიმი" - ეს შეძახილები ისმის ამ წუთებში საქალაქო სასამართლოში, სადაც სასახლის ღობის საქმეზე დაკავებული 13 პირის პროცესზე ბრალდებულებმა და ადვოკატებმა სხდომა პროტესტის ნიშნად დატოვეს.

ეს მას შემდეგ მოხდა, რაც მოსამართლე თამარ მახარობლიძემ, სხდომათა დარბაზიდან ადვოკატი დიმიტრი საძაგლიშვილი და გააძევა.

მოსამართლესა და დიმიტრი საძაგლიშვილს შორის კამათი, ადვოკატის შეკითხვას მოჰყვა, ჰაბიდოსკოპიური ექსპერტის მიმართ. დიმიტრი საძაგლიშვილმა ექსპერტს ჰკითხა, იცოდა თუ არა თბილისში 2025 წლის 4 ოქტომბერს განვითარებულ მოვლენებთან დაკავშირებით ინფორმაცია და იცნობდა თუ არა შსს-ს განცხადებებს, იმ დღეს თბილისში მიმდინარე პროცესებთან დაკავშირებით.

ამ შეკითხვას კი ბრალდების მხარის შუამდგომლობა მოჰყვა შეკითხვის განრიდებასთან დაკავშირებით, რომელიც მოსამართლემ დააკმაყოფილა. დიმიტრი საძაგლიშვილმა კი მოსამართლეს მოსთხოვა, რომ აეხსნა, თუ რატომ განარიდა მისი შეკითხვა, რასაც შემდგომ კამათი მოჰყვა. სწორედ ამის შემდეგ გააძევა მოსამართლემ საძაგლიშვილი სხდომიდან, რის შემდეგაც კიდევ ერთი ადვოკატი, შოთა კახიძეც გააძევა.

როგორც ადგილიდან "პირველების" კორესპოდენტი იუწყება, სხდომა ფაქტობრივად ჩაიშალა, რადგან სხდომათა დარბაზი პროტესტის ნიშნად ბრალდებულებმა, მათმა ოჯახის წევრებმა და ადვოკატებმა დატოვეს.

დღევანდელ სასამართლო პროცესზე ბრალდების მხარის მტკიცებულებების გამოკვლევა მუნდა მომხდარიყო. 

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია