2015-02-17 14:28:17, 464 ნახვა

---

ქუცნაშვილი: პრეზიდენტმა კანდიდატურა დაასახელა, მაგრამ ბურთი ახლა პარლამენტის მოედანზეა

"პრეზიდენტმა დაასახელა კანდიდატურა,  ეს მისი პრეროგატივაა, მაგრამ გადაწყვეტილებას საქართველოს პარლამენტი იღებს",-ამის შესახებ ფრაქცია "ქართული ოცნების" წევრმა და უზენაესი სასამართლოს თავმჯდომარის პოსტზე პრეზიდენტისთვის წარდგენილ 28 კანდიდატს შორის მყოფმა ზაქარია ქუცნაშვილმა ჟურნალისტებს განუცხადა.

ქუცნაშვილი დარმწუნებულია, რომ პარლამენტი პასუხისმგებლობით გამსჭვალულ გადაწყვეტილებას მიიღებს.

"პრეზიდენტმა დაასახელა კანდიდატურა. ეს მისი პრეროგატივაა, მაგრამ გადაწყვეტილებას იღებს საქართველოს პარლამენტი. ასე რომ, ბურთი ახლა არის პარლამენტის მოედანზე, ჩვენ ვიმსჯელებთ. დარწმუნებული ვარ, პარლამენტის წევრები მიიღებენ თავიანთ დამოუკიდებელ პასუხისმგებლობით გამსჭვალულ გადაწყვეტილებას",-განაცხადა ზაქარია ქუცნაშვილმა.

შეგახსენებთ, პრეზიდენტმა უზენაესი სასამართლოს თავმჯდომარეობის კანდიდატად ნინო გვენეტაძე დაასახელა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი