ეკატერინე ტიკარაძე - ეპიდვითარება რთული და საყურადღებოა, ჯანდაცვის სექტორში მაქსიმალური მზაობაა

2021-05-07 13:51:17, 812 ნახვა

კომენტარი

ჯანდაცვის მინისტრი ეკატერინე ტიკარაძე აცხადებს, რომ საქართველოში რთული და მნიშვნელოვნად საყურადღებო ეპიდსიტუაციაა.

როგორც ეკატერინე ტიკარაძე აღნიშნავს, ჯანდაცვის სექტორში არის მაქსიმალური მზაობა, ეტაპობრივად მობილიზდება საწოლფონდი, ასევე მობილიზებულნი არიან ექიმები, კოვიდკლინიკებიც.

„ეპიდვითარება არის რთული და მნიშვნელოვნად საყურადღებო, ტარდება ყველა ღონისძიება, რომელიც დაგვეხმარება მის სწორ მართვაში. მნიშვნელოვანია საზოგადოების აქტიური ჩართლობა, როგორც ვაქცინაციის პროცესში, ასევე რეგულაციების დაცვის მხრივ. მზაობა სექტორში არის მაქსიმალური, ეტაპობრივად ვახდენთ მობილიზებას იმ საწოლფონდის, რისი რესურსიც გაგვაჩნია. მობილიზებული არიან ექიმებიც და ის სასტუმრო კლინიკებიც, რომლებსაც უკვე აქვთ მიღებული პრაქტიკა მეორე ტალღის დროს. აქტიურად მუშაობენ ონლაინ კლინიკებიც, რომლებიც ბინაზე მართავენ პაციენტებს“, - განაცხადა ჯანდაცვის მინისტრმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან