შინაგან საქმეთა მინისტრი გიორგი მღებრიშვილი აშშ-ის ექსპორტის კონტროლისა და საზღვრის უსაფრთხოების პროგრამის მრჩეველს საზღვაო საკითხებში მაიკლ გარვის და ამავე პროგრამის ხელმძღვანელ მონიკა დორადოს შეხვდა.
შეხვედრაზე ამერიკული მხარის მიერ დაფინანსებული განხორციელებული და მიმდინარე პროექტები განიხილეს, ხაზი გაესვა აშშ-სთან თანამშრომლობის მნიშვნელობას და ყურადღება გამახვილდა სუფსის საზღვაო ოპერაციების მართვის ცენტრის, როგორც უწყებათშორისი თანამშრომლობის მექანიზმის, უნიკალურ შესაძლებლობებზე.
მხარეებმა ასევე ისაუბრეს სწავლებისა და პროფესიული განვითარების პროგრამებზე, რომლის ფარგლებშიც, ამერიკასა და საქართველოში ყოველწლიურად შსს-ს ათეულებით თანამშრომელი გადის მომზადებას.
მინისტრმა სტუმრებს მადლობა გადაუხადა გაწეული დახმარებისთვის და გამოხატა მზადყოფნა, ხელი შეუწყოს არსებული ნაყოფიერი თანამშრომლობის გაღრმავებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს

რეჟიმის აგენტების კანონი, წითელი ჯვრის და საფინანსო ინსტიტუტების გაცემულ გრანტებზე არ იმუშავებს