სასამართლო სხდომა დონეცკში, რომელზეც ნადეჟდა სავჩენკოს განაჩენი უნდა წაიკითხონ, ცოტა ხნის წინ განახლდა.

სასამართლოს დაწყებიდან რამდენიმე წუთში, ჟურნალისტებმა გაავრცელეს ინფორმაცია, რომ სასამართლომ უკრაინელი მფრინავი დამნაშავედ უკვე სცნო, თუმცა როგორც BBC იუწყება  სასამართლოს განაჩენი ამ დრომდე არ წაუკითხავს და გავრცელებული ინფორმაცია ჟურნალისტების მიერ გავრცელებული ცნობების შედეგია.  

მედია საშუალების ცნობით, სასამართლო განაჩენს ხვალ გამოაცხადებს.

უკრაინელი ოფიცრის ნადია სავჩენკოს ადვოკატების განცხადებით, რომელსაც რუსული მხარე რუსი ჟურნალისტების მკვლელობაში სდებს ბრალს, აცხადებენ, რომ ისინი ჯერ კიდევ სასამართლოს განაჩენის მოლოდინში არიან .

 "ჩვენ რა თქმა უნდა გვგონია რომ მის წინააღმდეგ გამამტყუნებელი განაჩენი იქნება გამოტანილი. ერთადერთი გამოსავალი ახლა რუსეთზე საერთაშორისო ზეწოლაა", - აცხადებენ ადვოკატები.

მათივე თქმით, ნადია სავჩენკო სასამართლოს გადაწყვეტიელბას არ დაეთანხმება.

შეგახსენებთ, ნადია სავჩენკოს ბრალად რუსი ჟურნალისტების მკვლელობა ედება. ის 2014 წლიდან მოყოლებული რუსეთს პატიმრობაში ჰყავს. სავჩენკო თავს დამნაშავედ არ მიიჩნევს და აცხადებს, რომ ისევ მშრალ შიმშილობას დაიწყებს.

პროკურატურა მფრინავისთვის 23 წლიან პატიმრობის მისჯას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა