საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე სამდღიანი ვიზიტით ჩეხეთის რესპუბლიკაში იმყოფებოდა.

თავდაცვის სამინისტროს ინფორმაციით, გენერალური შტაბის უფროსი საპატიო სტუმრის რანგში საბრძოლო ლოგისტიკური უზრუნველყოფის თემაზე გამართულ კონფერენციას დაესწრო. საერთაშორისო ფორუმზე სხვადასხვა ქვეყნის სამხედრო ლოგისტიკის სფეროს წარმომადგენლები ერთმანეთს გამოცდილებას უზიარებენ და სამომავლო ოპერაციებისთვის სამრეწველო და სამხედრო სფეროებს შორის თანამშრომლობის მნიშვნელობას განიხილავენ.

სამუშაო ვიზიტის ფარგლებში გენერალ-მაიორი ვახტანგ კაპანაძე ჩეხ კოლეგას შეხვდა. ჩეხეთის რესპუბლიკის შეიარაღებული ძალების გენერალური შტაბის უფროსთან, გენერალ პეტრ პაველთან შეხვედრისას საქართველოსა და ჩეხეთს შორის სამხედრო სფეროში ორმხრივი თანამშრომლობის მიმდინარე საკითხები და სამომავალო  გეგმები განიხილეს. საუბარი შეეხო რეგიონში არსებულ უსაფრთხოების მდგომარეობას და საერთაშორისო მისიებში მონაწილეობის საკითხს. შეხვედრას საჰაერო ძალების სარდალი ბრიგადის გენერალი ლიბორ სტეფანიკი და სხვა სამხედრო მაღალჩინოსნებიც დაესწრნენ. გენერალური შტაბის უფროსს ჩეხეთის თავდაცვის მინისტრის მოადგილემ ტომას კუხტამაც უმასპინძლა.

გენერალ-მაიორი ვახტანგ კაპანაძე  იარაღისა და სამხედრო სისტემის მწარმოებელ სხვადასხვა ქარხნებსაც ესტუმრა და არსებულ შესაძლებლობებს გაეცნო.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი რაფალიანცის და ეროსი კიწმარიშვილის მკვლელობას ივანიშვილს უკავშირებს

სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში