ისრაელის სამხედრო-საჰაერო ძალებმა ირანის სამხრეთ-დასავლეთით ბუნებრივი აირის გადამამუშავებელ ობიექტზე იერიში მიიტანეს.

ეს პირველი შემთხვევაა, როდესაც ისრაელმა ირანის ბუნებრივი აირის ინფრასტრუქტურას დაარტყა, რაც ირანის ეკონომიკის საკვანძო სექტორს წარმოადგენს.

ისრაელელი მაღალჩინოსნების განცხადებით, იერიში ტრამპის ადმინისტრაციასთან იყო კოორდინირებული და მათ მიერვე იყო დამტკიცებული.

 ნახევრად ოფიციალური სააგენტო Tasnim-ი იტყობინება, რომ სამიზნე ქალაქ ბუშირთან მდებარე „სამხრეთ ფარსის“ (South Pars) გაზის საბადოს რამდენიმე ობიექტი გახდა. ანგარიშის თანახმად, ადგილზე მუშაობენ საგანგებო ჯგუფები, რომლებიც ხანძრის ჩაქრობას ცდილობენ.

მანამდე ტრამპის ადმინისტრაცია ეწინააღმდეგებოდა ისრაელის იერიშებს თეირანში მდებარე ნავთობის საცავებზე და სთხოვდა ისრაელს, აშშ-ის თანხმობის გარეშე ენერგეტიკულ ინფრასტრუქტურას არ შეხებოდა.

„ყველა იმ აბსოლუტური „სულელისთვის“ შეგახსენებთ: ყველას მიერ აღიარებულია, რომ ირანი ტერორიზმის ნომერ პირველი სახელმწიფო სპონსორია. ჩვენ მათ ბიზნესს სწრაფად ვასრულებთ!“ - დაწერა პრეზიდენტმა ტრამპმა Truth Social-ზე ისრაელის იერიშიდან მალევე.

ავტორი: ექსპრესნიუსი,

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის