ემზარ კვიციანის ადვოკატები,  ხვალ, პირველ საათზე,  მორალური ზიანის დაკისრების მიზნით, ირაკლი ფირცხალავას, კახა თარგამაძისა  და პეტრე მამრაძის წინააღმდეგ  თბილისის საქალაქო სასამართლოში სარჩელს შეიტანენ.

როგორც "ექსპრესნიუსს" კვიციანის ადვოკატმა ალექსანდრე კობაიძემ განუმარტა, ხსენებულმა პირებმა მედიასაშუალებებით გაავრცელეს ინფორმაცია, თითქოს ემზარ კვიციანი გამტაცებელი და მკვლელია.

ადვოკატები მათი დაცვის ქვეშ მყოფის მიმართ წაყენებული ბრალდებების დამტკიცებას, წინააღმდეგ შემთხვევაში კი, ფირცხალავას,  თარგამაძისა და მამრაძისთვის  მორალური ზიანის დაკისრებას მოითხოვენ.

"ირაკლი ფირცხალავამ, კახა თარგამაძემ  და პეტრე მამრაძემ სხვადასხვა მედიასაშუალებებით და პრესის მეშვეობით,  გაავრცელეს ინფორმაცია, რომ ემზარ კვიციანი არის გამტაცებელი,  მკვლელი და ა.შ.   ჩვენ ვითხოვთ,  დაგვიმტკიცონ,  თუ ვინ მოკლა,   ან ვინ გაიტაცა. თუ ვერ დაგვიმტკიცებენ, მაშინ სასამართლო თანხმობრივად მათ  მორალურ ზიანს დააკისრებს",-განუცხადა ალექსანდრე  კობაიძემ "ექსპრესნიუსს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა ჰორმუზის სრუტის დაკეტვის შესახებ განაცხადა და ისრაელი ცეცხლის შეწყვეტის შეთანხმების დარღვევაში დაადანაშაულა.

„ბოროტება და სიგიჟე“- MAGA-ს აქტივისტებმა ტრამპის გადადგომის მოთხოვნა დაიწყეს

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას