საჯარო რეესტრის ეროვნულმა სააგენტომ ოფიციალური ვებგვერდი www.napr.gov.ge განაახლა. 

როგორც სააგენტოში განმარტავენ, ამიერიდან საიტი ინფორმაციულად კიდევ უფრო დატვირთული და მომხმარებელზე ორიენტირებულია. ვებგვერდზე დაინტერესებულ პირს მარტივად შეუძლია მოიძიოს ინფორმაცია სააგენტოს მენეჯმენტის, განხორციელებული და მიმდინარე პროექტების, მისთვის საინტერესო სერვისებით სარგებლობის თუ სხვა მონაცემების შესახებ.
 
განახლებული ვერსია საჯარო რეესტრში შემავალი ყველა რეესტრის შესახებ ინფორმაციას აერთიანებს. აქვე თავმოყრილია საკონსულტაციო ბარათები და იმ დოკუმენტაციის დეტალური, სრული ჩამონათვალი, რომელიც მოქალქეებს ამა თუ იმ სერვისით სარგებლობისას სჭირდებათ.
 
www.napr.gov.ge-ზე განთავსებულია ყველა ის ელექტრონული პროგრამა, რომელიც მოქალაქეებს სასურველი მომსახურების მიღების საშუალებას საჯარო რეესტრში მისვლის გარეშე, სახლიდან და ოფისიდან გაუსვლელად, ინტერნეტის დახმარებით აძლევს. www.napr.gov.ge-ს დახმარებით ონლაინ კონსულტაციის მიღებაცაა შესაძლებელი.
 
ვებგვერდზე განთავსებული სპეციალური ველის საშუალებით მოქალაქეებს შესაძლებლობა აქვთ თავიანთი შენიშვნები, მოსაზრებები და იდეები სააგენტოს ხელმძღვანელობას მარტივად მიაწოდონ.
 
დღესდღეობით სააგენტო ყველა პოპულარულ სოციალურ ქსელზეა წარმოდგენილი და ვებსაიტის დახმარებით მათზე მარტივად გადასვლაა შესაძლებელი. სააგენტოს ოფიციალური გვერდების საშუალებით, მოქალაქეებს შეუძლიათ, სააგენტოს წარმომადგნლებთან ერთად იმსჯელონ, გამოხატონ თავიანთი აზრი, გააცნონ საკუთარი იდეები, გაუზიარონ მოსაზრებები და ჩაერთონ გადაწყვეტილების მიღების პროცესში.

შეგახსენებთ, საჯარო რეესტრის ეროვნული სააგენტოში ამჟამად ყველა მომსახურება ელექტრონულად ხორციელდება.

ამჟამად  ვებგვერდის ინგლისურენოვან ვერსიაზე მიმდინარეობს მუშაობა, რომელიც სულ მალე ამოქმედდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს