ობამა და მერკელი შეთანხმდნენ, რომ რუსეთმა უკრაინაში სეპარატისტების მხარდაჭერისთვის პასუხი უნდა აგოს

2015-01-28 10:43:04, 729 ნახვა

მსოფლიო

„რუსეთის ფედერაციამ აღმოსავლეთ უკრაინაში სეპარატისტების მხარდაჭერისთვის პასუხი უნდა აგოს“,-ამის შესახებ ინფორმაციას თეთრ სახლზე დაყრდნობით საინფორმაციო სააგენტო „ასოშიეტედ პრესი“ ავრცელებს.

„ასოშიეტედ პრესის“ ინფორმაციით, სატელეფონო საუბარში ამერიკის შეერთებული შტატების პრეზიდენტმა ბარაკ ობამამ და გერმანიის კანცლერმა ანგელა მერკელმა ოფიციალური მოსკოვის მიერ მინსკის შეთანხმებით ნაკისრი ვალდებულებების შეუსრულებლობაზე ისაუბრეს.

ამასთან, ობამამ და მერკელმა უკრაინისთვის დამატებითი ფინანსური დახმარების გამოყოფის საკითხიც განიხილეს.

შეგახსენებთ, რომ აღმოსავლეთ უკრაინაში საბრძოლო მოქმედებები გრძელდება უკრაინელ სამხედრო პირებს და პრორუს სეპარატისტებს შორის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან