საქართველოს ფინანსთა სამინისტროს ოპერატიული ინფორმაციით, მიმდინარე წლის 27 აპრილის მდგომარეობით, აპრილის თვის სახელმწიფო ბიუჯეტის საგადასახადო შემოსავლების პროგნოზი უკვე გადაჭარბებითაა შესრულებული.

უწყების ცნობით, საგადასახადო შემოსავლებმა 2 მილიარდ 357.8 მილიონი ლარი (113.6%) შეადგინა, რაც გასული წლის ანალოგიური პერიოდის მაჩვენებელთან შედარებით 282,1 მილიონი ლარით  მეტია.

„ასევე, გადაჭარბებითაა შესრულებული მიმდინარე წლის იანვარ-აპრილის საგადასახადო შემოსავლების პროგნოზი. ამ პერიოდში სახელმწიფო ბიუჯეტში საგადასახადო შემოსავლების სახით მობილიზებულია 2 მილიარდ 443,3 მლნ ლარი (113.4%), რაც წინა წლის ანალოგიურ პერიოდს 287.8 მლნ ლარით აღემატება.

მნიშვნელოვანია, რომ მარტში 12,5 პროცენტით არის გაზრდილი  დღგ-ს გადამხდელ საწარმოთა ბრუნვა.

2015 წლის თებერვლის მსგავსად, მარტშიც მაღალი ეკონომიკური აქტივობა დაფიქსირდა და ზრდამ წინასწარი მონაცემებით, 4.1% შეადგინა, პირველ კვარტალში კი, 3.1%-იანი ეკონომიკური ზრდა გვაქვს.

ოთხი თვის ბიუჯეტის შესრულების შესახებ დეტალურ ინფორმაციას ფინანსთა სამინისტრო მოგვიანებით გამოაქვეყნებს“, - ნათქვამია ფინანსთა სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს