ელბაქიძის აღმართის გზის რეაბილიტაციას, სავარაუდოდ, 2-3 თვე დასჭირდება.

ამის შესახებ თბილისის მერმა დავით ნარმანიამ ჟურნალისტებს განუცხადა.

ნარმანიას თქმით, გზის სრულად აღდგენისთვის  კედლის მშენებლობა გახდება საჭირო.

„ჯერჯერობით, ვიზუალური დათვალიერებით რაც ჩანს, არის ის, რომ კომუნიკაციების გაუმართაობითა და უყურადღებობითაა  გამოწვეული. მნიშვნელოვანია ის, რომ სამუშაოები დღესვე დაიწყება. ჩვენი სამსახურები მობილიზებულია იმისათვის, რომ გაწმენდა დავიწყოთ და გზა 2-3 თვე მთლიანად უნდა ჩავკეტოთ. საჭირო გახდება კედლის მშენებლობა, რათა გზა აღდგეს. ჩვენ გვინდა, რომ მიზეზი შესაბამისმა სამსახურებმა გამოიძიონ და დაადგინონ, რათა თუ ვინმეს პასუხისმგებლობა არის, ამის შემდეგ გავრცელდეს“, - განაცხადა ნარმანიამ.

წინასწარი ინფორმაციით, ელბაქიძეზე გზის სავალი ნაწილის ჩანგრევა, გზის ქვეშ წყლის უხვმა რაოდენობამ გამოიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია