თბილისის მერიის დაქვემდებარებაში არსებული თბილისის სატრანსპორტო კომპანია სახელმწიფო შესყიდვების სააგენტოსგან ითხოვს 20 მილიონი ევროს შესყიდვაზე თანხმობას, რაც 18-მეტრიანი MAN-ის ავტობუსების ტექნიკურ მომსახურებას შეეხება.

თბილისის მერიამ აღნიშნული ავტობუსები ორ ტრანშად შეიძინა, თავდაპირველად მოხდა 160 ერთეული ავტობუსის შესყიდვა, შემდეგ კი დამატებით 40 ერთეულის. ამასთან, 2024 წლის ივნისში MAN-ის ავტორიზებულ სერვისცენტრთან, რომელსაც ოპერირებას "თეგეტა მოტორსი" უწევს გაფორმდა 25 მილიონი ევროს ხელშეკრულება, ახლა კი იგეგმება დამატებით 20 მილიონი ევროს ხელშეკრულების გაფორმება და დამატებით შესყიდული ავტობუსების მომსახურებას გულისხმობს. აღნიშნული მომსახურება 2028 წლის ჩათვლით იქნება ძალაში, ხოლო უკვე მოქმედი 25 მილიონი ევროს ხელშეკრულება 2027 წლის 7 ივნისამდე არის მოქმედი.

"შპს „თბილისის სატრანსპორტო კომპანიის“ ბალანსზე ირიცხება 200 (ორასი) ერთეული 18-მეტრიანი ავტობუსი (Lion‘s City 18C მოდელის), წარმოებული MAN Truck and Bus SE-ს მიერ. მათგან 160 ერთეული ავტობუსი ამჟამად გადის შესაბამის საგარანტიო და არასაგარანტიო მომსახურებას და უზრუნველყოფს თბილისის საქალაქო მარშრუტებზე მგზავრთა გადაყვანას, ხოლო დარჩენილი 40 ერთეული ავტობუსი საჭიროებს აღნიშნული სერვისის ჩატარებას. ქალაქის სამარშრუტო ქსელზე მომსახურების შეუფერხებელი განხორციელებისათვის, ავტობუსების ტექნიკურად გამართული და უსაფრთხო მდგომარეობის უზრუნველსაყოფად, შპს „თბილისის სატრანსპორტო კომპანიას“ 2025-2028 წლების შესყიდვების გეგმით გათვალისწინებული აქვს 40 ერთეული ავტობუსის გეგმური და არაგეგმური ტექნიკური მომსახურების შესყიდვა,"- ნათქვამია თბილისის სატრანსპორტო კომპანიის დირექტორის მიერ სახელმწიფო შესყიდვების სააგენტოსთვის გაგზავნილ წერილში.

200 ერთეული 18-მეტრიანი ავტობუსის შესყიდვა თბილისის ბიუჯეტს 324 მილიონი ლარი დაუჯდა.

არსებული მდგომარეობით, ახალი ავტობუსების მნიშვნელოვანი ნაწილი თბილისს ჯერ არ ემსახურება, რადგანაც აღნიშნულისთვის ახალი დეპოს გახსნა არის აუცილებელი, რაც უახლოეს პერიოდში არის დაგგემილი.

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ