ერთი ადამიანი დაიღუპა, შვიდი დაშავდა ბელოროდსკის ოლქის სოფელ სოლოხში, რომელსაც დღეს ცეცხლი გაუხსნეს, - ამის შესახებ, ნათქვამია გუბერნატორის ვიაჩესლავ გლადკოვის განცხადებაში. 

უკრაინის მოსაზღვრე რეგიონების სხვა გუბერნატორების მსგავსად, გლადკოვი უკრაინაში რუსეთის შეჭრასთან დაკავშირებულ მოვლენებს ტელეგრამის არხზე ავრცელებს. „შვიდი დაჭრილი, კიდევ ერთი მსხვერპლი გვიან ღამით მოიყვანეს“, - წერს გუბერნატორი.

გუბერნატორმა დაბომბვის შედეგების ფოტო გამოაქვეყნა. მისი თქმით, დაზიანდა 17 კომლი და ექვსი მანქანა, ჩამტვრია მინები სკოლაში, ფოსტაში და მაღაზიაში. სოფელში სახლები არ იწვის - იწვის სოფლის გარეთ ამოსული ლერწამი, აღნიშნა გლადკოვმა.

სოფელი უკრაინის საზღვრიდან 20 კილომეტრის დაშორებით სწორი ხაზით მდებარეობს. მისი ყველა მცხოვრები უსაფრთხო ადგილას გადაიყვანეს, განაცხადა ბელგოროდის რეგიონის ხელმძღვანელმა.
ამ რეგიონის დასახლებები რეგულარულად ექცევა ცეცხლის ქვეშ, მაგრამ არც ბელგოროდში და არც სხვა რეგიონებში, ამ დრომდე ადამიანური მსხვერპლი არ ყოფილა, ხოლო უკრაინაში, გაეროს მონაცემებით, დაღუპული მშვიდობიანი მოსახლეობის რაოდენობა 3,5 ათასს მიუახლოვდა.

ავტორი: ექსპრესნიუსი,

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს