ფრანგულმა პოლიციამ პარიზის მახლობლად ქალაქ არჟანტეში კიდევ ერთი ტერაქტი აღკვეთა, - ამის შესახებ ფრანგული მედია შინაგან საქმეთა მინისტრზე ბერნარ კაზნევზე დაყრდნობით იტყობინება.

როგორც სამართალდამცველები აცხადებენ, შენობიდან, რომელშიც ტერორისტულ საქმიანობაში ეჭვმიტანილი 1 პირი დააკავეს, ყველა ადამიანი ევაკუირებულია.

"ტერაქტის მცდელობა ჩვენი სამართალდამცველების მიერ აღიკვეთა. ქალაქ არჟანტეში ამ დრომდე სპეცოპერაცია და სახლებში ჩხრეკა მიმდინარეობს. საცხოვრებელი სახლებიდან მოსახლეობა უკვე ავაკუირებულია", - განაცხადა შინაგან საქმეთა მინისტრმა.

ცნობისთვის, ტერაქტის აღკვეთა გუშინ ჩატარებული სპეცოპერაციის შედეგად გახდა შესაძლებელი. აღსანიშნავია, რომ ეჭვმიტანილი საფრანგეთის მოქალაქეა.

მინისტრის თქმით, ჯერ უცნობია იყო თუ არა აღკვეთილი ტერაქტი პარიზში და ბრიუსელში მომხდარი ტერაქტების სერიის გაგრძელება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა