დამხობა ჩაიშალა, მადლობა სამართალდამცავ ორგანოებს, ქართველ ხალხს, რომელიც გამოვიდა 4 ოქტომბერს არა ოთხ საათზე დაანონსებულ დამხობაზე, არამედ საარჩევნო უბნებზე - ამის შესახებ ივანიშვილის პარლამენტის თავჯდომარემ შალვა პაქპუაშვილმა განაცხადა.

„დამხობა დაანონსდა, დამხობა დაიწყო, თუმცა მალევე ჩაიშალა. მინდა, ვისარგებლო შემთხვევით და მადლობა გადავუხადო სამართალდამცავ ორგანოებს, შსს-ს, სახელმწიფო უსაფრთხოების სამსახურს, სახელმწიფო დაცვის სპეციალურ სამსახურს, რომლებმაც საკუთარი სიცოცხლის, ჯანმრთელობის რისკის ფასად შეძლეს ძალადობის აღკვეთა. დაშავდა 25 პოლიციელი, მათგან ორი – მძიმედ. იმ ჯგუფებმა, რომლებიც აანონსებდნენ ძალადობას, ამ ჯგუფების მხარდამჭერმა უცხოურმა ჯგუფებმა არც კი მოიკითხეს პოლიციელების მდგომარეობა. ესეც მიუთითებს გულცივ დამოკიდებულებაზე, რომელიც არსებობს ზოგიერთ ჯგუფში ჩვენი საზოგადოების მშვიდობიანი განვითარების მიმართ. განსაკუთრებული მადლობა ქართველ ხალხს. ქართველი ხალხი გამოვიდა 4 ოქტომბერს არა ოთხ საათზე დაანონსებულ დამხობაზე, არამედ დილის რვა საათიდან საარჩევნო უბნებზე და თავისი სიტყვა თქვა არჩევნების გზით“, – განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

ყაველაშვილი 9 აპრილის ტრაგედიაზე განცხადებას ავრცელებს, რომელშიც რუსეთს არ ახსენებს

პარლამენტთან აქციაზე პროტესტის მონაწილე შაკო ბაღდოშვილი დააკავეს

რუსებო, მონებო - ოცნების მთავრობა 9 აპრილის მემორიალთან შეძახილების ფონზე მივიდა

უკრაინულმა დრონებმა კრასნოდარის მხარეში ექსპორტისთვის განკუთვნილ ნავთობის მსხვილ სატუმბო სადგურს შეუტიეს