აჭარაში კვებისა და განთავსების ობიექტებში მომსახურების ხარისხის კვლევა მიმდინარეობს.

აჭარის ტურიზმის დეპარტამენტის მომსახურების ხარისხის დასადგენად კვლევას რეგიონში არსებულ ყველა მინიციპალიტეტში არსებულ 200-მდე ტურისტულ ობიექტში ჩაატარებს,  მათ შორის 120 განთავსების  და 80 კვების ობიექტია.

კვლევის მიზანია რეგიონში მომსახურების სფეროში არსებული ხარვეზების გამოვლენა, გაანალიზება და სფეროში დასაქმებული ადამიანებისთვის მიზნობრივი  სატრენინგო პროგრამის შემუშავება.

კვლევის შედეგად განთავსებისა და კვების ობიექტების პერსონალი მოწმდება მომსახურების სტანდარტების შესაბამისად, კერძოდ: ჯავშნის მიღება, სტუმრების განთავსება, დასუფთავების კომპონენტი, პერსონალის მიერ რთული სიტუაციებიდან ოპტიმალური გამოსავლის სწრაფი და ეფექტური გადაწყვეტილებების მიღების უნარი. 

„ჩვენთვის მნიშვნელოვანია ვიცოდეთ, როგორია სერვისის დონე რეგიონში არსებულ კვებისა და განთავსების ობიექტებში, რა ტიპის გამოწვევებისა და ხარვეზების წინაშე დგას სექტორი. 2019 წლისთვის სწორედ, კვლევის შედეგებზე დაყრდნობით ვგეგმავთ შევიმუშაოთ მაქსიმალურად ეფექტური სატრენინგო პროგრამები, რომელიც ორიენტირებული იქნება სერვისის დონის გაუმჯობესებაზე. ჩვენთვის მნიშვნელონია რეგიონის თითოეული სტუმარი იყოს კმაყოფილი. ამას კი მნიშვნელოვნად განაპირობებს ის ტურისტული ობიექტები, სადაც ტურისტები ღებულობენ სხვადასხვა სახის მომსახურებას. პროექტში ჩართულ თითოეულ ობიექტს ინდივიდულურად მივაწვდით ინფორმაციას მათთან არსებული მდგომარეობის შესახებ, რაც სასტუმროებისა და რესტორნების მენეჯმენტს დაეხმარება ეფექტურად დაგეგმონ თავიანთი სამოქმედო გეგმა“, - გაანცხადა აჭარის ტურიზმის დეპარტამენტის თავმჯდომარე სულხან ღლონტმა.

აჭარის ტურიზმის დეპარტამენტმა რეგიონში მომსახურების ხარისხის კვლევა ივლისში დაიწყო და სექტემბრის ბოლოს დაასრულებს. კვლევის შედეგების ძირითად ტენდენციებს  დეპარტამენტი საზოგადოებას წლის ბოლოს გააცნობს.

(NS)

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი