2008 წლის 11 აგვისტოს, სოფელ შინდისთან დაღუპული გმირები ბათუმში გაიხსენეს. აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე შინდისის გმირების ხსოვნისადმი მიძღვნილ ღონისძიებას დაესწრო. სკვერში აჭარის უმაღლესი საბჭოს თავმჯდომარე დავით გაბაიძე, ქალაქ ბათუმის მერი ლაშა კომახიძე, მინისტრთა კაბინეტის წევრები, უმაღლესი საბჭოს დეპუტატები და ბათუმის საკრებულოს წევრები შეიკრიბნენ. მათ დაღუპული გმირების მემორიალი ყვავილებით შეამკეს და სიმბოლურად, მათივე სახელობის სკვერში 17 ნერგი დარგეს.

,,დღეს პატივი მივაგეთ საქართველოს უახლეს ისტორიაში ჩვენი თანამედროვეობის ყველაზე გმირულ მაგალითს - შინდისის გმირებს. ასევე ორმაგი სიამაყით ვართ გამსჭვალული, ვინაიდან ძალიან ბევრი ჯარისკაცი იყო აჭარის რეგიონიდან და მათ უანგაროდ შესწირეს თავი ჩვენს ქვეყანას. ჩვენი ქვეყნის თავისუფლება, ჩვენი ქვეყნის მომავალი სწორედ ისეთ ბიჭებზე დგას, როგორიც იყო ალეკო ონიანი, როგორიც იყო რომან ზოიძე და რა თქმა უნდა, ჩვენ და მომავალი თაობებიც ვალდებულნი ვართ შევინახოთ ეს საგმირო ისტორიები და მაქსიმალურად დავაფასოთ" - აღნიშნა მთავრობის თავმჯდომარემ.

აჭარის მთავრობის თავმჯდომარე თორნიკე რიჟვაძე გარდაცვლილი გმირების ოჯახის წევრებს შეხვდა და თანადგომა გამოუცხადა.

2008 წლის 11 აგვისტოს, სოფელ შინდისის სარკინიგზო სადგურთან, საქართველოს შეიარაღებული ძალების II ქვეითი ბრიგადის საინჟინრო ოცეული რუსულ მოტომსროლელ ასეულთან უთანასწორო ბრძოლაში ჩაება. ქართველი ჯარისკაცების მიმართულებით მტერი თითქმის ყველა სახის იარაღიდან ისროდა, მათ შორის ტანკებიდან და რეაქტიული ცეცხლმტყორცნებიდან. მიუხედავად იმისა, რომ მოწინააღმდეგემ ორჯერ გამოიძახა დახმარება, ჩვიდმეტმა ქართველმა მებრძოლმა მედგარი წინააღმდეგობა ბოლომდე გასწია და გმირულად დაიღუპა.

შინდისის გმირების სახელობის სკვერი ბათუმში 2016 წლის აპრილში გაიხსნა.

(NS)

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო