აჭარის მთავრობის თავმჯდომარემ ზურაბ პატარაძემ ირანის ისლამური რესპუბლიკის გენერალურ კონსულთან ჰოსეინ მაშჰადთან  დიპლომატიური მისიის დასრულებასთან დაკავშირებით გამოსამშვიდობებელი შეხვედრა გამართა. 

შეხვედრაზე ირანის კონსულმა 3 წლიანი მოღვაწეობა შეაჯამა და კმაყოფილება გამოთქვა ქვეყნებს შორის არსებული ორმხრივი თანამშრომლობის გაღრმავების ტენდენციაზე.

აჭარის მთავრობის თავმჯდომარემ, თავის მხრივ, განსაკუთრებული ყურადღება გაამახვილა ტურიზმისა და ეკონომიკის მიმართულებით არსებულ დადებით დინამიკაზე. აღინიშნა, რომ 2017 წლის მაჩვენებლებით, ირანი საქართველოს მე-5 უმსხვილესი პარტნიორია ტურიზმის სფეროში,  რასაც ხელი შეუწყო ორ ქვეყანას შორის უვიზო მიმოსვლამ და აქტიურმა საჰაერო მიმოსვლამაც. ზურაბ პატარაძემ კონსულს ნაყოფიერი თანამშრომლობისთვის მადლობა გადაუხადა და მომავალ საქმიანობაში წარმატება უსურვა.

საქართველოსა და ირანს შორის რეგიონულ და სახელმწიფო დონეზე მეგობრული თანამშრომლობის განვითარებაში შეტანილი წვლილისთვის აჭარის მთავრობის თავმჯდომარემ ირანის გენერალურ კონსულს მადლობის სიგელი გადასცა.

(NS)

ავტორი: ,

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა