ბათუმი-ხულო-ახალციხის ცენტრალური გზის გაწმენდითი სამუშაოები  დასრულების ეტაპზეა. ხულო-გოდერძის მონაკვეთზე დღეს მოძრაობა აღდგა, ხვალ დღის ბოლომდე გაიხსნება ასევე ახალციხესთან დამაკავშირებელი გზაც.

აჭარის მთავრობის თავმჯდომარე ზურაბ პატარაძე პირადად გაეცნო აღნიშნულ გზებზე არსებულ მდგომარეობას. კურორტზე თოვლის საფარი გვიან გაზაფხულამდე ნარჩუნდება. აპრილის შუა რიცხვებში ჩაკეტილი გზების სრული გაწმენდითი სამუშაოები ტარდება და ხდება საავტომობილო მოძრაობის  აღდგენა. როგორც ზურაბ პატარაძე აღნიშნავს, მნიშვნელოვანია საგაზაფხულო სამუშაოები დროულად და ეფექტურად ჩატარდეს, რაც ხელს შეუწყობს ერთი მხრივ მოსახლეობის გადაადგილებას, მეორე მხრივ  კურორტზე სამშენებლო სამუშაოების განახლებასა და ახალი პროექტების დაწყებას.

 ზურაბ პატარაძესთან ერთად კურორტზე იმყოფებოდნენ მაღალმთიანი აჭარიდან მაჟორიტარი დეპუტატი საქართველოს პარლამენტში ანზორ ბოლქვაძე,  ხულოს მერი გოჩა მელაძე, კურორტ „გოდერძი რიზორტის" დირექტორი ზურაბ ჭურკვეიძე და აჭარის საგზაო დეპარტამენტის უფროსი არჩილ ჩიქოვანი.

 ხულოს მერის ინფორმაციით, მომდევნო ეტაპზე დაიწყება კურორტ ბეშუმის მიმართულებით გზის მოწესრიგებისა და ახალი საფარის დაგების სამუშაოები.

(NS)

ავტორი: ,

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება