ბათუმში, სასტუმრო „რედისონში“ კონფერენცია „მომავლის ტექნოლოგიები და სიცოცხლის ხარისხი“ გაიხსნა.

აჭარის ჯანდაცვის სამინისტროს ინფორმაციით, კონფერენციის მიზანია სიცოცხლის შემსწავლელ მეცნიერთა პრეზენტაციების წარდგენა და განხილვა მომავლის ტექნოლოგიების, რომლის გამოყენებითაც შესაძლებელია დროული დიაგნოსტიკა, პროფილაქტიკა, ეფექტური, ხარისხიანი და უსაფრთხო მკურნალობა.

„კონფერენციის თემატიკა გახლავთ ბუნებრივი რესურსების კვლევა ბიოლოგიურად აქტიური ნივთიერებების გამოვლენის მიზნით; ბიოლოგიურად აქტიური ნივთიერებების სინთეზი, წამლის მიზანმიმართული მიწოდების ფორმები და სისტემები; ანტიბიოტიკორეზისტენტობა და ა.შ.

კონფერენცია გარდა მეცნიერული კვლევის შედეგებისა მიზნად ისახავს მომავლის ტექნოლოგიებში თანამედროვე მიღწევების გათვალისწინებით განათლების საკითხების განხილვას, რომელიც ასევე მნიშვნელოვანია სიცოცხლის ხარისხისათვის“, - აცხადებენ აჭარის ჯანდაცვის სამინისტროში.

კონფერენცია სამი დღის განმავლობაში გაგრძელდება და მასში მონაწილეობას მიიღებს ასამდე ადგილობრივი და უცხოელი მეცნიერი. კონფერენცია იმართება აჭარის განათლების, კულტურისა და სპორტის სამინისტროს დაფინანსებითა და თბილისის სახელმწიფო სამედიცინო უნივერსიტეტის ორგანიზებით. კონფერენციის თანაორგანიზატორებია ბათუმის შოთა რუსთაველის სახელმწიფო უნივერსიტეტი და შპს „ბაუ ინთერნეიშენალ უნივერსითი, ბათუმი“. სამინისტრო საერთაშორისო კონფერენციას 20 000 ლარით აფინანსებს.

ავტორი: ,

სოციალური ქსელები

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.

მეუფე ნიკოლოზი: მგონი არასწორია ადამიანს უთხრა, პატრიარქობა არ შეიძლება, რადგან 70 წლის ხარ

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს