შიმშილობის 35-ე დღე  იზოლატორში. ბათუმელი მედროშე თემურ ქათამაძე ამ დრომდე პროტესტის უკიდურეს ფორმას მიმართავს. აქციების აქტიური მონაწილე ამბობს, რომ იქამდე არ აპირებს საკვების მიღებას, ვიდრე მის მიმართ წარმოებული "აბსურდული საქმე" არ შეწყდება.

გარდა შიმშილობისა, ქათამაძე უარს ამბობს, როგორც  გამოკვლევების ჩატარებაზეც, ასევე ექიმების კონსულტაციაზეც.  ამის  შესახებ ინფორმაციას ახალგაზრდა იურისტთა ასოციაცია ავრცელებს. "შიმშილობას გავაგრძელებ ბოლომდე" - წერს ქათამაძე იზოლატორიდან გამოგზავნილ წერილში, რომელსაც საია აქვეყნებს. 

ქათამაძის მეგობრები ამბობენ, რომ დაკავებულის მდგომარეობა მძიმეა და ეს მას ვიზუალურადაც ეტყობა. 

ვიდრე სასამართლო გადაწყვეტილება არ იქნება მიღებული მისთვის ლტოლვილის ან ჰუმანიტარული სტატუსის მინიჭებასთან დაკავშირებით, გაძევების საქმის წარმოება შეჩერებულია. იმ შემთხვევაში კი თუ მას მიენიჭება აღნიშნული სტატუსი, ის უკვე კანონიერი სტატუსით დარჩება საქართველოს ტერიტორიაზე. ვფიქრობ, რომ თუ სტატუსს მიანიჭებენ, შიმშილობას შეწყვეტს. შიმშილობის ძირითადი მიზანი და მოტივი იყო ქვეყანაში მიმდინარე მოვლენების მიმართ პროტესტის გამოხატვა"- ამბობს ადვოკატი. 

შეგახსენებთ, თემურ ქათამაძე 16 იანვარს, ადმინისტრაციული პატიმრობიდან გათავისუფლების შემდეგ, რამდენიმე წუთში დააკავეს. პოლიცია მას საქართველოში ცხოვრების უფლების არქონას ედავება. 

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი