საზოგადოებრივ მაუწყებელთან ჟურნალისტებმა აქცია გამართეს, სადაც „ნეტგაზეთისა“ და „ბათუმელების“ დამფუძნებლის, მზია ამაღლობელის, პატიმრობიდან გათავისუფლება მოითხოვეს. აქციაზე სხვადასხვა მედიის წარმომადგენლები მონაწილეობდნენ, რომლებიც ბანერებით გამოვიდნენ და ამაღლობელის გათავისუფლების გარდა, საზოგადოებრივი მაუწყებლის „ხალხისთვის დაბრუნებას“ და პირდაპირ ეთერში მუშაობის შესაძლებლობას ითხოვდნენ. მოგვიანებით, მედიის წარმომადგენლები პარლამენტის წინ მსვლელობით გადაინაცვლებენ და მას კიდევ ერთი აქცია შეუერთდებათ, სადაც მოქალაქეების უწყვეტი პროტესტი უკვე 51-ე დღეა მიმდინარეობს. ცნობისთვის, ბათუმის საქალაქო სასამართლომ მზია ამაღლობელს აღკვეთის ღონისძიების სახით პატიმრობა შეუფარდა. სასამართლოს გადაწყვეტილება მოსამართლე ნინო სახელაშვილმა მიიღო. მას ბრალი სისხლის სამართლის კოდექსის 353-ე პრიმა მუხლით წაუყენეს, რაც პოლიციელზე თავდასხმას გულისხმობს. მზია ამაღლობელი ბათუმში, პოლიციის მთავარ სამმართველოსთან მიმდინარე აქციის დროს თავდაპირველად ადმინისტრაციული წესით დააკავეს, თუმცა ორი საათის შემდეგ გაათავისუფლეს. გათავისუფლებიდან რამდენიმე წუთში კი, ის კვლავ დააკავეს, რის შედეგადაც პროტესტი კიდევ უფრო გამწვავდა.

ჟურნალისტები და სამოქალაქო ორგანიზაციები მიიჩნევენ, რომ ასეთი ქმედებები მედიას დამოუკიდებლობის შეზღუდვას და მოქალაქეთა უფლებების დარღვევას წარმოადგენს.

#თავისუფლებამზიას

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო