ზელენსკის დროს ახალი „მინსკი“ ან „ბუდაპეშტი“ არ იქნება, - ამის შესახებ უკრაინის პრეზიდენტის, ვოლოდიმირ ზელენსკის ადმინისტრაციის ხელმძღვანელმა, ანდრეი ერმაკმა სამშვიდობო სამიტის ფარგლებში განაცხადა. 

ერმაკის თქმით, უკრაინა თავის პოზიციას მშვიდობის ხედვასთან დაკავშირებით, არ ცვლის.

"უკრაინა არ ცვლის თავის პოზიციას მშვიდობის ხედვასთან დაკავშირებით, ის უცვლელი დარჩა სრულმასშტაბიანი ომის დაწყების შემდეგ", - აცხადებს ერმაკი. 

როგორც ერმაკმა აღნიშნა, უკრაინა უკრაინა სამშვიდობო სამიტზე აბსოლუტურად მკაფიო პოზიციას დააფიქსირებს და მოელის, რომ მონაწილეები შეთანხმდებიან ერთობლივ გეგმაზე, რომელიც მომავალში რუსეთს გადაეცემა განსახილველად.

"რა არის ჩვენი ძალა? ჩვენ ძალიან პრინციპულები ვართ და არ ვცვლით ჩვენს პოზიციას. უკრაინის პრეზიდენტ ვოლოდიმირ ზელენსკის დროს, არ იქნება შეთანხმებები ისეთი სახით, როგორიც იყო მინსკის, ან ბუდაპეშტის, რომელმაც არ მოგვცა გარანტიები", - განაცხადა ერმაკმა. 

შეგახსენებთ, უკრაინის მშვიდობის სამიტი შვეიცარიაში 15-16 ივნისს გაიმართება. 

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია