პოლონეთის პრეზიდენტი ანჯეი დუდა ადასტურებს, რომ უკრაინაში ჯარის გაგზავნის საკითხზე დისკუსია გაიმართა. ამის შესახებ უკრაინული მედია წერს.

დუდას განცხადებით, პარიზში შეხვედრის დროს მოკავშირეებმა აღნიშნულ საკითხზე კონსენსუსს ვერ მიაღწიეს.

"ყველაზე ემოციური დისკუსია გაიმართა უკრაინაში ევროპელი ჯარისკაცების გაგზავნის თემაზე და აქ არანაირი თანხმობა არ იყო. მინდა ხაზი გავუსვა, რომ ამ საკითხზე არანაირი გადაწყვეტილება არ მიღებულა. ცალკეული ქვეყნები თავად წყვეტენ, როგორ დაეხმარებიან უკრაინას",- განაცხადა დუდამ.

პოლონეთის პრეზიდენტმა იმედი გამოთქვა, მოკავშირეები უახლოეს მომავალში უკრაინაში შეიარაღების მოცულობითი პარტიის გაგზავნას შეძლებენ.

შეგახსენებთ, საფრანგეთის პრეზიდენტმა, ემანუელ მაკრონმა პარიზში გამართული კონფერენციის შემდეგ განაცხადა, რომ "უკრაინაში დასავლეთის სახმელეთო ძალების გაგზავნის შესაძლებლობა გამორიცხული არაა".

ავტორი: ექსპრესნიუსი,

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება